1_عبدالعزيزالعازمي
2_زيد العضيلة
عبدالعزيزالعازمي
ياهلايامرحبا باسـم الوفـا والطيـب كلـه
والوفا والطيب كله مـن عصـور الجاهليـة
يالعضاله فيه لغز صعب مـن يقـدر يحلـه
وش يبى الراعي مادام الذيب في وسط الرعية
زيد العضيلة
البقى فا لي يرحب والوفا هـذا محلـه
مايضيع من الحقايق لاكثيـر ولابليـة
قدم الغز وترانـي ياعتيبـي جاهزلـه
بالشنب هذا لاوردها على حوض المنية
عبدالعزيزالعازمي
تدري انا مانقول الاعلى مذهـب وملـه
وانت ماعندك قصور من المروة والحمية
البروق مع السحابة والسحابـة مستهلـه
والسحابة مدفعها الا الريـاح الموسميـة
زيد العضيلة
تدري انا مانقول الك العلوم بدون ادلـه
لاتعديها يابن عاصي حـدود الجاذبيـة
لايجي فالراس دوش ولايجي فالرجل زله
خلها في نيـة الرحمـن والنيـة مطيـة
عبدالعزيزالعازمي
العلوم الطيبة تصلح على فنجـال دلـه
وانت ماعلمتك الابعد سقـت الشاذليـة
الله يامطيـر ياهـل الحـركـات الله
نيتي ماغيروحدة وانت كم جبت لك نية
زيد العضيلة
العلوم الطيبة ياناس تبري كل علـة
مير علتكم خطيرة والهبوب مصافقية
المكان الي نويته حالـف ماتستحلـه
لقلعك عنها يابوشره مثل قلعة طمية
عبدالعزيزالعازمي
كل ماشفت الك صورة في جريدة في مجله
قلت جاب العلم زيد وعودة روحة وجيـة
استحله منك يالمطيري لـو مافيـك ذلـه
بس تعرفني ليى جيتك وصفيـت السريـة
زيد العضيلة
كل ماحصلتلي صورة بها شبـه وخلـه
قلت هذي صورة الشيطان متحضن خوية
انت رجال طمعت في بيت يظلك ظلـه
مير شد الحيل والذمة من الذمـة بريـة
عبدالعزيز العازمي و زيد العضيلة (طاروق رايع )
العرض العادي
